A te ber pawh Lalpan a hmang duh(Least Coin sunday)

A te ber pawh LALPAN a hmang thin                  
  (Roreltute 6: 15)                              
Thuhma :
            Vawiin Fellowship of the Least Coin puala hun kan hman ah hian engtinnge he rawngbawlna pawimawh tak hi a lo chhuah a, eng anga kalpui thin nge a nih tih te bakah Pathianin thil ropui te chauh hmang lova thil te ber te pawh a thlan thin zia point pali hmangin sawi kan tum dawn a ni.
1.  Fellowship of the least coin chu enge a nih a, enge a tobul?
            Fellowship of the Least Coin hi khawvel pum huap a remna leh muanna a lo awm theihna atan a tawngtai inzawmkhawm pawl a ni a, tharum thawhna avanga tuartu te tan leh mihring dikna chanvo humhalh a nih theihna a tan te a tawngtai thin a ni. Tawngtai apiangin pawisa nawi te ber chu bawm ah an khung zel a, hei hi mirethei ber tan pawh tih theih tur a duan a ni.
            He pawl hi India mi, Shanti Solomon thil tawn atanga lo piangchhuak a ni. Kum 1956 khan khawvel hmun hrang hranga hmeichhe 7 awmna, Pacific mission team ah a tel a, Indopui Pahnihna a thil thleng zirin Asia ram an fang a, he an tour hi Dr. Margaret Shannon, US mi huaihawt a ni. Korea ram an tlawh dawnin Visa a hmuthei lova, a chhan chu Korea leh India sorkar ten inlaichinna tha an neihloh vang a ni. A thiante erawh Korea ah chuan an kal a, chutia a thiante Korea an kal hlan chuan Philipines ah a kal thunga, heta a awmlai hian Asia ram hrang hrang an zin kual tawhna a indona avanga sum leh pai a harsatna an tawh leh hmeichhia ten daidanna an tawh nasat zia a hmuh atangin rawtna a siam ta a. Tawngtaina chuan mihring indaidanna leh ramri zawng zawng pawh a khum thei a ni a ti a, khawvelin remna leh muanna, rorelna dik a mamawh zia a hmuh atangin Fellowship of the Least Coin hi a ngaihtuah chhuak ta a. Chu a rawtna chu a thianten an hriat chuan tha an ti hle a, Khawvel puma Kristian te inpumkhat na entirna ah ngaiin mihringpui te chunga hleilenna thleng thin an tawrhpuina leh khawvel hmun hrang hrang a hmeichhia te an thlawp zia lantir na tha tak ah an ngai a ni. Tichuan he rawngbawlna hi bultan in vawiin thlengin chhunzawm a ni ta a ni.
            Fellowship of the Least Coin hi kohhran bika kalpui a nilova, Salvation Army Women Ministry hi All India Christian Council ah member a nih ve avangin he rawngbawlna hi a zawm ve a ni. Tawngtai paha pawisa nawi kan khawl tlingkhawm te hi THQ chuan WACI (Women Advisory Council Of India) ah a thehlutin AICCW (All India christian Councill of India) ah thehluh leh a ni a, chuta tang chuan National Secretariat ah atul angin an rawn thawn let leh a,  Territory hrang hrang ah mamawh dan a zira semdarh leh niin midang tanpui nan hman thin a ni.
           

2.  Khawvel chhanhim nan tawngtai atul
Least Coin Fellowship in a ngaihpawimawh pakhat chu tawngtaina hi a ni. Kan hriat angin ram hrang hrang ah buaina a thleng meka, ram leh ram indona te, chi leh chi indona te tin, tualchhung buaina te chanchinthar ah anpuanga, chhiar tur in chanchinbu tin deuh thaw ah a awmbawk a ni. Heng buaina hrang hrang avang hian mi tam tak ten an nunna an chan a, nunau tamtak riltam leh thlabarin chenna leh eitur mumal neilovin tanpuina mamawh in an awm mek a ni. Chung mite hnenah chuan kan kalin kan pui theilo, nimahsela he kan awmhmun atang hian tawngtaina in an hnen kan thleng thei a ni. Pathian thlamuanna leh awmpuina kan dilsak thei a, tanpuia enkawltu tur an neih theih nan leh an buaina a reh theih nan engkimtithei Pathian kan biaksak thei a ni. Tunlaiin hna dilna ah leh thil hrang hrang ah sawipuitu tha kan mamawh thin. Sorkar hna dil  chuan Department hotu te hnena  sawipuitu an mamawh thin. Minister te emaw MLA te, tlema thil tithei deuh hna dilna a sawipuitu tha neite chu thiamna in ang rau rau ah pawh duhsak an hlawh thin. Chutiangin rinna kawng ah te pawh sawipuitu kan mamawh thin a ni. Keini pawh hian kan mihringpui hmun hrang hranga harsatna tawk mek, tanpuitu leh thlamuantu mamawh ngawih ngawih te tan hian Pathian tanpuina dilin sawipuitu hna kan thawk thei a ni.
            Tin, kan tawngtaina hian kan thlen theihlohna hmun pawh rang takin a thleng thei a, ram leh ram buaina ah te chi leh chi inkara buaina ah te hian remna palai hna a thawk thei a ni. Pathian engkim siam a enkawltu hian Mihring thinlung hi a duhphawt chuan a ti danglam thei a, kan tawngtaia kan dil chuan thinlung sak ber pawh a tinem thei a ni. Chuvangin he kan chenna khawvel alo dama remna leh muanna alo awm theih nan thahnemngai tak a kan tawngtai a tul hle a ni.             
3. Pawisa nawi LALPAN ahmang duh
            Least Coin Fellowship rawngbawlna ah hian tawngtai mai bakah pawisa nawi kan neih zinga te ber Least Coin bawm ah thlak thin a ni. Pawisa nawi kan neih tam avanga thlak teuh tur a ni chuang lova, khawvelah remna leh muanna a awm theih nan kan tawngtai hun chauhin thlak tur a ni. A tlem tham si eng atan mah a hman theih chuang lovang ti kan awm maithei, mahse LALPAN hmanna tur ahria in a hmang duh bawk a ni
            Tunlaiin pawisa nawi hmuh tur atam lova,kan hmuh theih tlanglawn ber chu cheng 5,2,1 te a ni mai a, naupang fing deuh tawh te chu pe mah ila an duh tawh manglo a ni. A chhan chu thil tha a lei theih loh a, eitur lei nan pawh nepnawi tak tak bak a lei zolo tih an hriat vang a ni. Nimahsela, heng pawisa nawi te te puitling te mai bakah naupang te pawn hmanna an hriat tawh loh hi Least Coin Fellowship kaltlangin midangte tanpui nan tangkai takin hman a ni thin. He rawngbawlna ah hian i la tel velo a nih pawhin a pawimawh zia hria a telve turin thahnemngai takin ka sawm che a ni. Tin, i thilpek chu a number a chhiar chuan a tlemin ate a ni maithei mahse, midangten Pathianin a hmangaih zia an hriatna hmanrua alo ni thei a ni. I tawngtai ruala i pawisa nawi hlan avang khan riltam ten eitur an neih phah a, damlo ten inenkawl nan an hmangin fahrah ten chenna in leh zirna tha an dawn phah a ni. I thilpek chu a tlem a ni maithei khang avang khan zak suh, tawpsan lovin tan han la teh. LALPA hian thil ropui tak hi a hmang kher lova, thil tlawm leh te ber kan tih te thleng hian a hmang thin a ni.
4. Israel mite chhan turin LALPAN mi te ber Gideona a thlang
            Gideona LALPAN a koh hunlai leh a hma te pawhin a ni ang chu Israel mite chuan Pathian thu awih lovin an hawisan a, hnamdang pathian te an bia in Baala maichamte an din bawk a, chung an awmdan thalo tak avang chuan Pathian thin a ur a, Midian hote kutah kum 7 chhung a dah ta a ni. Chutia Midian ho awpna hnuaia an awm lai chuan kumtin an thlai chin te chu Midian hote chuan an tih chhiatsak thin a, an thawhrimna chu engmah lovah an chantir thin. Mi awpna hnuaiah an awm mai bakah riltam leh rethei takin hun an hmang thin a ni.
            An thu awihlohna avanga hrehawm taka an awm lai chuan harhchhuakin LALPA lam an hawi ta a, Pathian tanpuina dilin an hrehawmna atanga chhanchhuak turin an ngen ta a ni. Pathian lam an hawia a tanpuina an dil veleh chuan LALPAN a mite chhanchhuak turin Gideona a ko ta a ni. Gideona’n Midian ho lak atangin Israelte a chhanchhuak dawn tih a hriat chuan a huphurh a, tlinglo a inti in kha hna ropui tak thawk tur kha chuan te a in ti a ni. Bible a kan hmuh angin-
“AW LALPA, engtin nge Israel hote hi ka han chhandam tehlul ang? Ngaiteh,   Manasea thlah zingah hnam rethei ber kan ni a, kei lah hi ka pa chhungte zinga te ber ka ni si a” ( Roreltute 6 : 15 )
a ti a ni. Kha hna thawk tur khan tlinglo a in ti a, a dinhmun a en a thawk theilo turah a in ngai a ni.
            Hetih hun lai a Gideona dinhmun hi han en ta ila, an hmelma Midian hoten an hmuh theihloh turin grep sawrna khur ah buh a vaw mek a ni a, a hnathawh kha atulin a hmanhmawh thlak hle ang tih a rinawm a ni. Aruka thilti anih avangin a hlauthawngin thawm dim bawk si hmanhmawh bawk si in buh kha a vua ang tih a rinawm. A dinhmun en chuan tlinglo a inti pawh kha a hriatthiampui awm hle a ni. Hmelma hlaua biru chunga hna a thawh mek lai leh chu a hnathawk lai hmulo se a tih em em te bei tura koh a ni hian a thin a thawngin mahni insitna a nei ngei ang.
            Nimahsela, Gideona’n te a in tih angin LALPAN te a ti velo. Roreltute 6 : 12 kan chhiar chuan “Nang michak huaisen, LALPA i hnenah a awm e” tiin Vantirhkoh khan a hrilh a ni. Helai thu a pawimawh leh ngaihnawm ka tih chu Israel miten Pathian thu an awih lohva, Pathian hremna an tawh mek laia LALPA lam an hawi a, a tanpuina an dil veleh LALPAN a tanpui nghal leh tanpuitu atan Manasea thlahte zinga rethei ber leh an chhungkaw zinga te ber a thlang hi a ni.
            Pathian hi a tha a ni tiru.. Vawiin hian he khawvel chhanchhuak a, chanchintha puang turin nang leh kei hi min thlang a ni si a. Khawvel mite lakah chuan milian kan nilo a, chhuan tur pawh kan neilo. Mahse kan tlinlohna leh fel lohna te chu haiderin kan dawihzep zia te chu hre mahse “Nang michak huaisen” tiin min ko ve a ni. LALPA chu fakin awm rawh se. Pathian ropui zia leh kan tana a hnathawh te kan hriat chian chuan tling tawk in tih a har a, kan in duhtawk theilo in fello kan inti thin. Mahse kan Pathian chuan a hnathawh te chhunzawm tur hian mifel leh mi ropuite chauh thlang lovin keini mi fellote pawh hi min thlangin min hmang ve duh a ni.
            Roreltute bung 7 kan chhiar zel chuan Pathian thil rel dan mak zia leh a ropui zia kan hmu a ni. Israel mite Midian ho bei tura Gideona hova an thawhchhuah khan an tam lutuk a Pathian chuan “Keimahni kut ngeia in chhandam kan ni alawm tiin min uankhum dah ang e”a ti a, hlau leh khur apiang haw tir leh turin Gideona a hrilh a, tichuan mi singhnih leh sanghnih an haw leh a, mi singkhat an la awm a ni. Mahse chu pawh chu LALPAN tam a la ti fo, singkhat zingah chuan mi 300 a thlangchhuak a, chung mi 300 te chuan ropui takin an hmelma te chu an hneh ta a ni.
            Pathian hian a ropuina puangchhuak a, fak tlak leh belh tlak a nih zia lantir nan hian thil ropui leh chak kan tih te kan thlamuanpui thin te hi a thlang lo a ni tih helai thu atang hian kan hrethei a ni. Kan ngaihsan leh kan ngaihhlut thil te ai chuan tlawm zawk nia lang te leh kan ngaihsan loh thil te ber nia kan hriat mahse tha em em si te hi a hmang thin zawk a ni. A hmel hliahtu leh a ropuina dal theitu chu eng thil pawh nise eng anga tha leh ropui pawh nise LALPA hian a hmang ngailo, chungte ai chuan thing kan tih te leh engah mah kan ngaih loh te thleng in a hmang duh zawk thin a ni.
Tlangkawmna
            Jacoba 5 :16 ah chuan “Mi fel tawngtaina chuan thil nasa tak a ti thin” tih ziak kan hmu a, mihring lam thlir chuan mi lian leh mi ropui kan nilo maithei, mite tih theih ang thil ropui kan ti thei velo pawh a ni ang. Mahse LALPA hian te min ti lova, a thisena a tlan tawh a chhandamna nei tawh kan nih avangin a tan kan hlu a, fel min ti a ni. Khawvel miten kan thusawi an ngaithla lo anih pawh in LALPA erawh chuan a lam hawia dilna kan thlen te hi a ngaithla in min chhang thin a ni. Israel mite chhan tura Gideona a thlang angin keini pawh tawngtaina hmanga khawvel chhan turin min ko a ni. Sam 41 :1 ah chuan “Retheite ngaihtuah mi chu a eng a thawl e, Mangan ni chuan LALPAN ani chu a chhanhim ang” tih kan hmu a, vawiin hian tanpui ngaiin i la awm rihlo a ni thei, mahse nakinah eng ang dinhmun ah nge i la din dawn hriat a nilo. Chuvangin midangte tanpui nan huntha leh theihna i neih lai hian Least coin fellowship kaltlang hian i theihtawk rawn ti ve rawh le. I theihna leh i thilpek te chu tlem mahse LALPA hian a tlem ber te, a tlawm ber te, a te ber te hi a hmang duh a ni.

Pathianin a thu kan sawi te kan za atan malsawm rawh se.

Comments

Post a Comment

Popular posts from this blog

Ringtu Nunnghet

RINGTU   NUNNGHET -    Lt. Malsawmdawngliana 18/2/17 Bible text- Lalpa ringtu, a rinchhan LALPA ni erawh chu a eng a thawl e, tui kianga thingphun, lui kama zung kai, khaw lum lo thleng pawh hlau lo, A hnahte hring reng si, khawkhen kum pawisa lo, rah chhuah thulh chuang si lo ang hi a ni (Jeremia 17 : 7- 8) .  In veng ula, rinnaah chuan ding nghet ula, intihuai ula, chaktakin awm rawh u (I korinth 16:13) Kan Local officer  te hi ka thlira an nun a nghet ka ti. Luangthli chhem nghin ang maia, a chhemna lama awn dual dual chi kan awm lo. Nun lelo leh pawlawh tak nei a, a changa lum a changa vawt, a changa piangthar a, achanga tharlo leh mai mai tur a koh kan nilo a, kan dinna ah nghet tak leh rinawm taka thawk tura koh kan ni zawk. Gen 49 Jakoba’n a fapa Reubena hnenah “ tui anga nghetlo I ni” atih ang mi kha Kristian ah hian kan tam riau a ni. Piangthar tir midang hmu hniam nghal em em mai te, mahni thatna lai leh tihve te hre em em a, midang...
Read more

Tumkau Ni (Palm sunday)

TUMKAU NI(PALM SUNDAY) -           Lt.Malsawmdawngliana “Hosana! Lalpa hminga lokal chu fakin awm rawh se. Ram lo thleng tur, kan pa Davida ram chu chawimawiin awm rawh se.Chungnung berah khian Hosana!” Marka 11:9-10 Isua pian hma khan zawlnei tam takin khawvela Isua lokal tur thu hi an puang lawk a, Jerusalema Sabengtung no chunga chuanga a luh tur thu pawh hi, a pianhma kum 100 vel kal tawhah khan Zawlnei Zakaria’n a lo puang lawk diam tawh a ni. Chu chuan lei leh van Lal ber a nih zia a ti chiang hle a ni. kan lokal tur thu hi 1990 chho velah khan lo puang ta se in awi ka ringlo, tin tuman an puang heklo ang. Lal Isua chu an puan lawk ang ngeiin alo thleng thin. Hosana hi tunah chhandam rawh kan ngen a che tihna a ni a, Jerusalema Isua a luh dawna an chawimawina a ni. Lalpa fak nan leh chawimawi nan an aw te an chhuah a, Vawiin hian kan chhuah ve dawn lawm ni. Palestina ramah hian Tum(palm) thing a tam hle a, Jericho phei chu t...
Read more

Pathian thil phut rorelna dik

                                          PATHIAN      THIL     PHUT   RORELNA   DIK                                                    Bible chang innghahna: Mika 6:8                   - Cadet Laldikkimi                                                                 ...
Read more

Good friday sermon : Isua thusawi

KRAWS  CHUNGA  ISUA THUSAWI  PASARIHTE                                                                               Kan Lalpa Isua Krista Krawsa khenbeh anih khan vawi sarih (7) a lo au chhuak a. He au-aw hian thil tih theihna nasa tak a nei a ni. Sawisak, diriam, cheksawlh hmuhsit leh hreawm tin reng tuartirin an khengbet a, chuta a tawngkam chu, midang ngaihsakna te, tawngtaina te, ngaihdamna thu te a ni, a va ropui em.             PAKHATNA:: “ Tin, Isuan, “ Ka Pa, anni hi ngaidam rawh; an thiltih hi an hre lo a nih hi” a ti a ( Lk....
Read more

Tuh rah seng

                        TUH RAH SENG “Bumin awm suh u; Pathian chu hmuhsit zia a ni lo ve; miin a theh apiang, chu mi vek chu  a seng bawk dawn si a. Mahni  tisa lama thehtu chuan tisaa mi chhiatna a thlen anga; thlarau lama thehtu erawh chuan thlarauva mi chatuana nunna a seng dawn a ni” (Galatia 6: 7- 8)                                                                  -Lt. Malsawmdawngliana Kan thu chhiar hi hrilhfiah leh chuan pawh ngai lovin a chiang tawk em em tawh a, Mizote hi lo nei hnam kan ni a, lo kan hala thlai chi hrang hrang kan thlak thin. Buh kan tuh chuan fanghma alo to ...
Read more

Mother's Day (Nute ni)

                                                Nute ni lo pian dan : Anna Jarvis hi mothers day hmuchhuaktu a ni a, a lawina Kohhran The Methodist church MV Grafton ami pawh hi, “The Mother’s day Church” tiin a hming an vuah a a ni. A nu Anna Reeves Jarvisi’n  1850 ah “Mother’s work day clubs”  a din atangin a rilru ah mother’s day hi a intuh tan a. He club hian mirethei hnenah eitur te, damdawite a sem in, naupang TB vei te tan in luahturte a ngaihtuah sak  thin a ni. Civil war alo chuah khan he club hian nasa takin hma an la a, nuna tam tak an chhan him a ni . Chu mai chu nilo in Anna Reeves Jarves hian remna leh muanna a awm theih nan nasa takin hma a la nghe nghe ani. Tichuan a fanu Anna Jarvis hi 1850 ah alo piang a, a nu a thih hnu ah nasa ...
Read more

William Booth, Booth Tucker(Fakir Singh) leh Pu Kawlkhuma

BOOTH TUCKER Booth Tucker hi a hming tak chu Frederick St. George De Latour Tucker a ni a. India rama Salvation army din chhuak tu ani, a Indian name chu “ Fakir Singh’ a a ni Kum 1853, March 21th ah Monghyr khua ah alo piang a ni. A pa hi William Thornhill Tucker niin sawrkarah dinhmung sang tak mai Civil service hial ni thei a ni a, Deputy commissioner hna te pawh lo thawk tawh in British sawrkar ah hna sang tak tak alo chelh tawh thin a ni. A nu hi Henry St.George Tucker niin  India ah Accountant General hna te alo thawk thin a, England a an kir leh hnuah pawh East India company ah Director hna chelh tura thlan tlin leh a ni. Kum 78 a nih thlengin sawrkar hna rinawm takin a thawk a, chumi hnu ah chuan a chawl ta a ni. Booth Tucker-a nu leh pa te hi 1850 ah an innei a, fa panga Wilhelmina Jane Carolline Tucker te, Booth Tucker te, Edward Charlton Tucker te, Laura Verocuca Tucker leh Arthur Robert Hamilton te an ni. Hun hmasa: Booth Tucker hi chhungkaw zahawm leh awmthei t...
Read more

Missionary sunday (mizo)

Thupui : Lal chhungten min nghak e Bible : 2 Lalte 7:9 Thuhmahruai A hmasa in vawiin Missionary Sunday ah hian missionary chu enge a nih a enge a hna, tunge lal chhungte chu, engvang in nge chanchin lawmawm chu kan hrilh ang tih 2 Lalte 7:9 na, kan chhiar zawh tak  atang khan zir ho kan tum dawn a ni. Helai chang atang hian Pathianin Suria sipai te lak atanga Samari mipui te, khawvel mite hmusit ber leh ten ber phar te hmang a a chhanchhuah dan chungchang leh phar ten a chu chanchin lawmawm an thlen chungchang kan zir dawn a ni. Missionary chu enge a nih a enge a tum ber? A hmasa in “missionary” tih hi latin tawng “missio” tih atanga lak chhawn a ni a, a awmzia chu tih tur emaw tum nei a kal chhuak tihna a ni a. A bik takin kohhran emaw sakhaw thil a hmun dang, ram dang a kal chhuak te hi missionary kan tih te chu an ni. Tin, missionary chuan midang tana thawhsak leh midang te rawngbawlsak a mi harsa leh rethei, damlo leh tanpui ngaite tanpuina kawnga hma la tur a midangte ...
Read more

Khawvel zawng zawngah kal ula(outreach sermon)

“Khawvel zawng zawngah kal ula, thilsiam zawng zawng hnenah chuan Chanchintha hi hril rawh u” (Mark 16:15) 1.        “Kal ula”  tih chu eng a awmzia? “Kal ula,” tih kan hmuh hian awmna hmun atanga kalchhuahna a entir. Hei hian a sawi tum tak ni a lang chu Zirtirte chu hmun hrang hrang a chanchintha hril tura tirhchhuah an ni tihna a ni. Isua hun lai hian thu inhlan chhawnna atana tha ber chu ‘Tawngkam’ ani mai a, chuvang chuan an mahni ngei kal a ngai ta a ni. Vawiin hun ah erawh chuan chu chanchintha chu hrilh dan kawng tam tak a awm ta!! Lalpa’n Israel hnam chu Isua Krista Pathian anih zia leh chanchintha chu khawvel pum a hril tur  in a serh hrang a, mahse an hriatthiam duhloh avang leh kraws ah hial anlo khenbeh tak avangin, a thuhretu zirtir sawm leh pahnih te chu a tirchhuak ta anih kha. Zirtirte chauh kha Krista thu hre tu annih avangin kal chhuak tura tih anni. Vawiina lokal khawmte hi Krista thu hretu kan  nih chuan he ch...
Read more