KUTKHUANG, TAWTAWRAWT LEH SIPAIHOTE LALPA

             KUTKHUANG, TAWTAWRAWT LEH SIPAIHOTE LALPA                                                                                          - Captain        Malsawmdawngliana

Salvation Army rawngbawlna a bet tlat leh mite pawhin neitu en a min en kan rimawi hmanrua danglam bikte leh Sipai pawl nena inhmeh em em mai, kan Pathian sawina  ‘Sipaihote Lalpa’  tih te hi bihchiang  dawn teh ang.

1. Kut khuang leh Darbenthek : Sipai pawl ten mawi tak leh thiam taka Pathian fak leh chawimawi nana kan hman kutkhuang/darbenthek(Timbrel display) hi bible ah hian a vang lo hle mai, tum 16 lai Bible ah hian a hming leh hmanna tih lan a ni. Kohhran dangte neih ve loh Bible a Pathian fakna lar ber pawl  ni bawk si kan nei hi kan nihlawh hle mai, tan ila sauh sauh ang u. Timbrel leh Tambourine hi thil in ang sawi dan hrang niin a langa (Tambourine hi tun hma an sawi dan a ni a, tunlai tawngin Timbrel), chutih rualin kut khuang (Timbrel) leh darbenthek (Cymbal)  hi a inang chiahlo thung, Mizorama kan hman tan erawh chu 1932 vel ve ve niin sawi ani a, zaikhawm leh Biak In zai te an lo rem thin a ni. Kut khuang hi a lar chho ta zawk a ni a, Step neia mumal taka mi engemaw zatin an han ben rual thup thup ang chi hi kum 1972 vel chauh a ni awm e.

Exodus 15:20  “Tin, zawlnei Miriami, Arona farnuin khuangte a keng a; tin hmeichhia zawng zawngin khuangte kenga lamin an zui chhuak ve ta hlawm a” Khuang tih hi han sawi chiang deuh ila, RSV, AV leh KJV bible leh Salvation army in kan hman ber NIV ah chuan ‘Timbrel’ tih a ni a, GNB leh ESV ah chuan Tambourine a ti thung a, khawvela dictionary lar leh rintlak ber pawl Oxford dictionary kan rawn chuan Timbrel/Tambourine chu mizo in khuang nufa kan tih ang hi nilovin, Sipai pawl in kan hman thin kutkhuang (timbrel) ngei hi a ni.

Bible chang lar em em mai pakhat chauh sawi leh ila, Sam 150:4 “Perkhuang leh tingtangin amah chu fak rawh u. Khuangte leh lamin amah chu fak ula: Tingtang chi hrang hrang leh phenglawngin amah chu fak rawh u” Heta khuang tia lehlin hi English ah chuan Timbrel tih a ni bawk.

 Mizo khuang hi amah(Pathian) fak nan a tangkai em em a, sipai pawl hi Pathian faknan a Biak in a lalut tu hmasa pawh kan ni nghe nghe, khuang lova chai chu engmahlo sawina ani a, khuang nufa chum chilh ngat loh chuan he Mizo thlarau hian Pathian a fak thiam mang tlat lo! Chutih rualin Pathian in amah fakna tur a sawi bible in min hrilh zinga mi, tum 16 lai lo lang tak zawka hi chu kutkhuang  hi a ni e.

2. Tawtawrawt : Kohhran unau dangten an awh em em chu tawtawrawt hi a ni. Pu Buanlawma CSM (L) Hebron corps Kawnpui khan Thla(moon)ah Sipai pawl puanzar hi zar ani reng em? tih a zawh tuma an rawn chhan khan tawtawrawt an rawn present nghe nghe a, chutiang taka sap ram, Mizoram leh khawvel huap a kan uar a kan che lek viau tawtawrawt hi kan la hmang tangtai reng em?

Juda te hian tawtawrawt kut an hmang thin a, chu chuan Setana a ti zam hle niin an ngai. Juda te thla chhiara thla sarihna, Tisri thla ni hmasa ber chu ‘ tawtawrawt ham hriatrengna ni’ a ni ang a, tuman hna reng reng thawhloh tur a ni (Lev 23:24), he ni hi hman chhunzawm zel a ni a (Neh 8:1-12). Tin, Lal Isua lokal leh hunah hian tawtawrawt ri ropui  lutuk a rawn hmang dawn a(I thes 4:16-17) eng hla leh tu phuah nge a rawn hman dawn hre lo mah ila, van lam tawtawrawt chu a ropui viau tur a ni. Tawtawrawt hnuhnungber a rik hunah chuan tih danglam kan nih tur thu pawh kan hmu a (I kor 15:51-52)tawtawrawt hi a lo va pawimawh em. kum 1973 khan Lunglei lam Band in Lungpho khua an tlawh dawn a, sawi lawk lemlo in an khaw kawtchhuah a tangin tawtawrawt an ham thut mai chu mi an chiai nasa hle ni tur ani, Pu Lalaua(L) pawhin “Lalpa kan la inringlo, khawnge ka nupui fanaute an awm” a ti chul mai a ni awm e! Chu mai ala ni lo, Thuthlunghlui ah chuan Indona ah a serh zinga mei ang, raldona’n a pawimawh em em mai a ni. Jeriko kulh ropui tih chim nan te, midian ho beih nan te an ralthuam tha ber a ni tlat.

Pathianin Mosia hnenah Silver Tawtawrawt pahnih siam turin a ti a, a hman dan tur fel takin a siam sak a(Num 10:1-10) Biakin chhung chauh nilo ral hma tawng anih zia te pawh kan hmu (Joshua). Tawtawrawt hi mumal neilo a a rik chuan tunge ral kap turin inbuatsaih ang? (I Korin 14:8). Vawiin hian Raldo nan nge kan hmana, keimahni inthiam siak nan?  Tawtawrawt ham a khaw tam tak kan hrut lai khan sipai pawl leh Pathian ram kan zauh duai duai ani lawm ni? Tawtawrawt chu a la chau lovang! A hmangtu sipai zawk ah hian ‘zamlai rel leh chuai’ kan awm a nilo maw? khawnge tawtawrawt ham thiam te u tan han la thar leh teh u khai.

3. Sipaihote Lalpa : “AW kulh kawngkate u, in lu chungte kha chawi sang ula, A ni, kawngkhar hlunte u, chawisang rawh u; Tichuan ropuina Lal hi a lo lut dawn nia. Chu ropuina Lal chu tunge ni? Sipaihote Lalpa chu,a mah ngei hi ropuina Lal chu a ni”(sam 24:9-10). He thu lar tak han chhiar hian  mi tam takin sipai (Salvation army) te Lalpa a kawk deuh riau in an hre thin a, mahse chutiang chu ani lem chuanglo.

Sipaihote Lalpa hi Thuthlung hlui ah ringawt vawi 267 zet kan hmu a, Grik ‘YAWEH Saboath’  hi English ah Lord of Hosts leh Almighy tiin KJV leh NIV chuan an dah a, mahse a hmang tluanchhuak vek lemlo. A chang chuan engkimtithei tih nan te, chungnungber tih nan te leh mipuite Lalpa tihte in an letling tho bawk. Tuna mizo bible(BSI) lehlin thar ah hian ‘Engkim Lalpa’ tiin a dah a, mahse theologian tam takin an pawm chuang lo a ni. Israel te nun chu indo nun a ni a, an Pathian pawh indo thin angin an ngai a, indonaah hnehna an chan chuan kan Pathian a chak an ti thin, an mahni chu Pathian sipaite ah an inngai a ni.

Hman dan chi hrang leh kawh theih chi hrang a nei ani ang, vawiin thlengin scholar te ngaihdan pawh a in ang lo a, lehlin tharah thlak ni tawh mahse kan lo hriat than leh rilru a bet tawh  ‘Sipaihote Lalpa’ tih hian  a awmze bul tak chu a phawk tha zawk ang an tih chu. Sermon leh tawngtainaah pawh sipaihote Lalpa ti dum dum mah ila kan tisual chuang awm lo ve.

              Bible lehlin dan leh ziak hrang hrangte, hrilfiahna leh chhuizauna thenkhat te kan thai langa, a dik tawk lo ve tia kan selna lam nilo in, kan hriatna tizautu ah te, kan sipai pawl tih dan leh bible in milzia te, leh keimahni kan infuihtharna lam zawk atan a ni.

 

Comments

Post a Comment

Popular posts from this blog

Ringtu Nunnghet

RINGTU   NUNNGHET -    Lt. Malsawmdawngliana 18/2/17 Bible text- Lalpa ringtu, a rinchhan LALPA ni erawh chu a eng a thawl e, tui kianga thingphun, lui kama zung kai, khaw lum lo thleng pawh hlau lo, A hnahte hring reng si, khawkhen kum pawisa lo, rah chhuah thulh chuang si lo ang hi a ni (Jeremia 17 : 7- 8) .  In veng ula, rinnaah chuan ding nghet ula, intihuai ula, chaktakin awm rawh u (I korinth 16:13) Kan Local officer  te hi ka thlira an nun a nghet ka ti. Luangthli chhem nghin ang maia, a chhemna lama awn dual dual chi kan awm lo. Nun lelo leh pawlawh tak nei a, a changa lum a changa vawt, a changa piangthar a, achanga tharlo leh mai mai tur a koh kan nilo a, kan dinna ah nghet tak leh rinawm taka thawk tura koh kan ni zawk. Gen 49 Jakoba’n a fapa Reubena hnenah “ tui anga nghetlo I ni” atih ang mi kha Kristian ah hian kan tam riau a ni. Piangthar tir midang hmu hniam nghal em em mai te, mahni thatna lai leh tihve te hre em em a, midang...
Read more

Tumkau Ni (Palm sunday)

TUMKAU NI(PALM SUNDAY) -           Lt.Malsawmdawngliana “Hosana! Lalpa hminga lokal chu fakin awm rawh se. Ram lo thleng tur, kan pa Davida ram chu chawimawiin awm rawh se.Chungnung berah khian Hosana!” Marka 11:9-10 Isua pian hma khan zawlnei tam takin khawvela Isua lokal tur thu hi an puang lawk a, Jerusalema Sabengtung no chunga chuanga a luh tur thu pawh hi, a pianhma kum 100 vel kal tawhah khan Zawlnei Zakaria’n a lo puang lawk diam tawh a ni. Chu chuan lei leh van Lal ber a nih zia a ti chiang hle a ni. kan lokal tur thu hi 1990 chho velah khan lo puang ta se in awi ka ringlo, tin tuman an puang heklo ang. Lal Isua chu an puan lawk ang ngeiin alo thleng thin. Hosana hi tunah chhandam rawh kan ngen a che tihna a ni a, Jerusalema Isua a luh dawna an chawimawina a ni. Lalpa fak nan leh chawimawi nan an aw te an chhuah a, Vawiin hian kan chhuah ve dawn lawm ni. Palestina ramah hian Tum(palm) thing a tam hle a, Jericho phei chu t...
Read more

Pathian thil phut rorelna dik

                                          PATHIAN      THIL     PHUT   RORELNA   DIK                                                    Bible chang innghahna: Mika 6:8                   - Cadet Laldikkimi                                                                 ...
Read more

Good friday sermon : Isua thusawi

KRAWS  CHUNGA  ISUA THUSAWI  PASARIHTE                                                                               Kan Lalpa Isua Krista Krawsa khenbeh anih khan vawi sarih (7) a lo au chhuak a. He au-aw hian thil tih theihna nasa tak a nei a ni. Sawisak, diriam, cheksawlh hmuhsit leh hreawm tin reng tuartirin an khengbet a, chuta a tawngkam chu, midang ngaihsakna te, tawngtaina te, ngaihdamna thu te a ni, a va ropui em.             PAKHATNA:: “ Tin, Isuan, “ Ka Pa, anni hi ngaidam rawh; an thiltih hi an hre lo a nih hi” a ti a ( Lk....
Read more

Tuh rah seng

                        TUH RAH SENG “Bumin awm suh u; Pathian chu hmuhsit zia a ni lo ve; miin a theh apiang, chu mi vek chu  a seng bawk dawn si a. Mahni  tisa lama thehtu chuan tisaa mi chhiatna a thlen anga; thlarau lama thehtu erawh chuan thlarauva mi chatuana nunna a seng dawn a ni” (Galatia 6: 7- 8)                                                                  -Lt. Malsawmdawngliana Kan thu chhiar hi hrilhfiah leh chuan pawh ngai lovin a chiang tawk em em tawh a, Mizote hi lo nei hnam kan ni a, lo kan hala thlai chi hrang hrang kan thlak thin. Buh kan tuh chuan fanghma alo to ...
Read more

Mother's Day (Nute ni)

                                                Nute ni lo pian dan : Anna Jarvis hi mothers day hmuchhuaktu a ni a, a lawina Kohhran The Methodist church MV Grafton ami pawh hi, “The Mother’s day Church” tiin a hming an vuah a a ni. A nu Anna Reeves Jarvisi’n  1850 ah “Mother’s work day clubs”  a din atangin a rilru ah mother’s day hi a intuh tan a. He club hian mirethei hnenah eitur te, damdawite a sem in, naupang TB vei te tan in luahturte a ngaihtuah sak  thin a ni. Civil war alo chuah khan he club hian nasa takin hma an la a, nuna tam tak an chhan him a ni . Chu mai chu nilo in Anna Reeves Jarves hian remna leh muanna a awm theih nan nasa takin hma a la nghe nghe ani. Tichuan a fanu Anna Jarvis hi 1850 ah alo piang a, a nu a thih hnu ah nasa ...
Read more

William Booth, Booth Tucker(Fakir Singh) leh Pu Kawlkhuma

BOOTH TUCKER Booth Tucker hi a hming tak chu Frederick St. George De Latour Tucker a ni a. India rama Salvation army din chhuak tu ani, a Indian name chu “ Fakir Singh’ a a ni Kum 1853, March 21th ah Monghyr khua ah alo piang a ni. A pa hi William Thornhill Tucker niin sawrkarah dinhmung sang tak mai Civil service hial ni thei a ni a, Deputy commissioner hna te pawh lo thawk tawh in British sawrkar ah hna sang tak tak alo chelh tawh thin a ni. A nu hi Henry St.George Tucker niin  India ah Accountant General hna te alo thawk thin a, England a an kir leh hnuah pawh East India company ah Director hna chelh tura thlan tlin leh a ni. Kum 78 a nih thlengin sawrkar hna rinawm takin a thawk a, chumi hnu ah chuan a chawl ta a ni. Booth Tucker-a nu leh pa te hi 1850 ah an innei a, fa panga Wilhelmina Jane Carolline Tucker te, Booth Tucker te, Edward Charlton Tucker te, Laura Verocuca Tucker leh Arthur Robert Hamilton te an ni. Hun hmasa: Booth Tucker hi chhungkaw zahawm leh awmthei t...
Read more

Missionary sunday (mizo)

Thupui : Lal chhungten min nghak e Bible : 2 Lalte 7:9 Thuhmahruai A hmasa in vawiin Missionary Sunday ah hian missionary chu enge a nih a enge a hna, tunge lal chhungte chu, engvang in nge chanchin lawmawm chu kan hrilh ang tih 2 Lalte 7:9 na, kan chhiar zawh tak  atang khan zir ho kan tum dawn a ni. Helai chang atang hian Pathianin Suria sipai te lak atanga Samari mipui te, khawvel mite hmusit ber leh ten ber phar te hmang a a chhanchhuah dan chungchang leh phar ten a chu chanchin lawmawm an thlen chungchang kan zir dawn a ni. Missionary chu enge a nih a enge a tum ber? A hmasa in “missionary” tih hi latin tawng “missio” tih atanga lak chhawn a ni a, a awmzia chu tih tur emaw tum nei a kal chhuak tihna a ni a. A bik takin kohhran emaw sakhaw thil a hmun dang, ram dang a kal chhuak te hi missionary kan tih te chu an ni. Tin, missionary chuan midang tana thawhsak leh midang te rawngbawlsak a mi harsa leh rethei, damlo leh tanpui ngaite tanpuina kawnga hma la tur a midangte ...
Read more

Khawvel zawng zawngah kal ula(outreach sermon)

“Khawvel zawng zawngah kal ula, thilsiam zawng zawng hnenah chuan Chanchintha hi hril rawh u” (Mark 16:15) 1.        “Kal ula”  tih chu eng a awmzia? “Kal ula,” tih kan hmuh hian awmna hmun atanga kalchhuahna a entir. Hei hian a sawi tum tak ni a lang chu Zirtirte chu hmun hrang hrang a chanchintha hril tura tirhchhuah an ni tihna a ni. Isua hun lai hian thu inhlan chhawnna atana tha ber chu ‘Tawngkam’ ani mai a, chuvang chuan an mahni ngei kal a ngai ta a ni. Vawiin hun ah erawh chuan chu chanchintha chu hrilh dan kawng tam tak a awm ta!! Lalpa’n Israel hnam chu Isua Krista Pathian anih zia leh chanchintha chu khawvel pum a hril tur  in a serh hrang a, mahse an hriatthiam duhloh avang leh kraws ah hial anlo khenbeh tak avangin, a thuhretu zirtir sawm leh pahnih te chu a tirchhuak ta anih kha. Zirtirte chauh kha Krista thu hre tu annih avangin kal chhuak tura tih anni. Vawiina lokal khawmte hi Krista thu hretu kan  nih chuan he ch...
Read more

A te ber pawh Lalpan a hmang duh(Least Coin sunday)

A te ber pawh LALPAN a hmang thin                      (Roreltute 6: 15)                               Thuhma :             Vawiin Fellowship of the Least Coin puala hun kan hman ah hian engtinnge he rawngbawlna pawimawh tak hi a lo chhuah a, eng anga kalpui thin nge a nih tih te bakah Pathianin thil ropui te chauh hmang lova thil te ber te pawh a thlan thin zia point pali hmangin sawi kan tum dawn a ni. 1.  Fellowship of the least coin chu enge a nih a, enge a tobul?             Fellowship of the Least Coin hi khawvel pum huap a remna leh muanna a lo awm theihna atan a tawngtai inzawmkhawm pawl a ni a, tharum thawhna avanga t...
Read more